Дејвис: Игравме за Коби – знаеме дека нè гледа и е горд

Ентони Дејвис ја освои првата титула во својата кариера. Тој одигра одличен плејоф. Блескаше особено во финалето, бидејќи постигна 25 поени со удар од играта 57,5% и 10,7 скока.

На доделувањето на трофејот, тој доби прашање за Коби.

Тие беа добри пријатели и играа заедно во националниот тим во 2012 година.

Научи многу од него.

“Знам дека Коби нè гледа од небото и дека е горд на нас. Минатиот натпревар го игравме во неговите дресови и сакавме да победиме, но не успеавме. За нас многу значи дека игравме за него, уште кога се случи трагедијата, рековме дека ќе играме за Коби. Тој на сите ни беше како голем брат. Ја освоивме титулата за него”, рече Дејвис.