КОЈ БИ БИЛ ВАШИОТ ИЗБОР: Паузи за пушење или пет дена повеќе одмор?

Германски угостител им дал на своите вработени кои не пушат пет дена повеќе одмор од оние кои пушат.

“Претходно, меѓу вработените имаше расправија под мотото “овој повторно ќе пуши”. Критиките беа на место, бидејќи ако ги соберете сите паузи за пушење, ќе добиете неверојатно време”, ја објасни својата одлука угостителот Хелмут Глас од Нојштад.
Тој вели дека им дал на своите вработени да одлучат дали ќе прават редовни паузи за пушење или ќе си добијат пет дена повеќе одмор. Според медиумите, тоа е во согласност со законот, а неговиот систем го одобруваат и голем број Германци.

Глас има 12 вработени, од кои пет се пушачи и седум непушачи, меѓу кои е и тој. Еден вработен рекол дека ќе престане да пуши за да си добие 5 дневен одмор, но шефот го „фатил“ како пуши во подрумот, па одморот му пропаднал. Готвачот во ресторанот, пак, кој по 15 години сака да се откаже од пушењето, храбро се држи до планот – барем за сега.

Извор:b92.net