Најскапиот флексибилен смартфон доаѓа од Samsung!
Самсунг, втор пат по ред, се здружи со американскиот моден дизајнер Thom Browne, и заедно го претставија специјалното издание на телефонот Samsung Galaxy Z Fold 2.
Најновата понуда следува по лансирањето на Galaxy Z Flip, на почетокот на оваа година. Со цена од 3.299 долари, Galaxy Z Fold 2 Thom Browne Edition чини скоро 1.300 долари повеќе од стандардната верзија на Самсунг, поради што овој телефон е еден од најскапите, а може да се купи директно од производителот.
За таа цена, ќе добиете не само ексклузивност, туку и Galaxy Buds Live и Galaxy Watch 3, како и голем број додатоци.
Како и Thom Browne Galaxy Z Flip, последното издание доби специјална сива надворешност, Том Браун лента во бела, сина и црвена боја во средината. Сивата мат боја му дава вистински уникатен изглед на флексибилниот паметен телефон, менувајќи ја рефлектирачката завршница на стандардната варијанта. Пакетот содржи и соодветна кожна маска.
Покрај тоа, специјалното издание доби ексклузивна Thom Browne тема на оперативниот систем, која вклучува уникатни промени во дизајнот на корисничкиот интерфејс, специјални икони за апликации, како и интересни тонови како звук на машина за пишување на тастатура и слично.
