ДНЕТ-Повик за заедничка прес-конференција во врска со Предлог-законот за „Правична и соодветна застапеност“

Почитувани сонародници,

Со внимание ги следиме различните оценки и ставови што се појавија во нашата заедница и меѓу нашите политички претставници во врска со Предлог-законот за „Правична и соодветна застапеност“, поднесен од Владата до Собранието на Република Северна Македонија. По ова прашање, нашите политички партии во различни прилики ги изнесоа своите мислења. Во основа, сите тие укажаа на слични недостатоци и нагласија дека законот во неговата сегашна форма не е прифатлив за нас. Затоа сметам дека е од особена важност да дејствуваме единствено и солидарно по едно толку значајно прашање што ги засега заедничките интереси на Турците во Македонија.

Во таа насока, ги повикувам претседателите на политичките партии што ја претставуваат турската заедница да се обединат на заедничка прес-конференција. Целта на оваа средба е да се разменат мислења во врска со предлог-законот, да се направат заеднички оценки и да се изгради пристап што ќе одговара на очекувањата на нашата заедница.

Верувам дека заедничката волја и конструктивната соработка што ќе се покажат по ова прашање ќе придонесат гласот на турската заедница да се слушне погласно и ќе овозможат постигнување значајни придобивки за иднината.

Датумот, времето и местото на одржување на прес-конференцијата може да се утврдат по меѓусебни консултации. Во таа насока, особено сакам да истакнам дека сме подготвени за секаква соработка и солидарност.

Сметајќи дека е корисно без одлагање да се преземе овој важен чекор, се надевам дека нашиот повик ќе биде позитивно прифатен. Однапред Ви благодарам за придонесот што ќе го дадете во име на единството и заедништвото на нашата заедница.

Со искрени поздрави и почит,

 

24 јуни 2026 година
Гостивар

Ердоган САРАЧ
Претседател

 

Дo:

●Претседател на ТДП, г. Зулфикар Зејнула

●Претседател на ДПТ, г. Енес Ибрахим

●Пишани и електронски медиуми

●Амбасада на Република Турција во Скопје