Во ноември добиваме вакцина против Ковид-19 од Кинезите

Вакцината против коронавирусот би можела да биде готова за пошироката јавност во Кина во ноември, изјави висок официјален претставник во време кога има трка меѓу лабораториите ширум светот околу вакцината.

„Тековниот напредок е многу задоволителен“, изјави за националната телевизија CCTV епидемиологот Ву Гушен, официјален претставник на кинескиот Центар за контрола и превенција на болести.

Ву изјави дека потенцијалната вакцина може да биде достапна околу ноември или декември. Неколку вакцини се прават во Кина, но таа не прецизираше која.
Една потенцијална кинеска вакцина, развиена од лабораторијата CanSino Bio во соработка со воени научници, е дел од најнапредните проекти.

Други кинески производители Синовак и Синофарм исто така се во напредна фаза на развој на вакцинa. Тие минатата недела во Пекинг ги презентираа своите првите дози против Ковид-19.

Двете фармацевтски компании се надеваат дека ќе добијат зелено светло за продажба пред крајот на 2020 година.

Во светот, во моментов постојат девет кандидати за вакцини кои се во третата фаза од испитувањата. Ова е последната фаза на тестирање на луѓе пред можен влез на пазарот.
Една од најперспективните вакцини во светот ја прави фармацевтскиот гигант Астра Зенека со престижниот британски универзитет во Оксфорд.