ФУДБАЛСКИ ТРАНСФЕРИ И ШПЕКУЛАЦИИ: 15 септември 2020 година
Реал фаворит во трката за Мбапе
Вчера пишувавме за интересот на Ливерпул за Килијан Мбапе, за кого пишуваше „Гардијан“, додавајќи дека целата зделка треба да изнесува помеѓу 200 и 300 милиони евра, а сега АС пренесува дека Реал е во предност. Мадридскиот весник пишува дека трката за Мбапе започна во моментот кога младиот Французин и соопшти на управата на клубот дека сака да си замине, а освен Ливерпул и Реал Мадрид, како опција за Мбапе се споменува и Манчестер Јунајтед, кој може да си дозволи толку голем трансфер.
Бејл се предомисли
Герет Бејл сепак сака да го напушти Реал Мадрид. Велшанецот претходно преку својот агент истакна дека може да седи на клупата додека не му истече договорот за две сезони, но очигледно се предомисли. Тој не сака трајно да го напушти Реал, но е подготвен да замине на една сезонска позајмица за да добие минутажа. Сè уште не е познато кој клуб би можел да ги исполни ваквите услови.
Манџукуќ заминува за Русија
Марио Манџукиќ се договорил со Локомотив Москва, екипа која претходно беше споменуваа како можна дестинација. Претходно се пишуваше дека Манџукиќ барал четири милиони евра годишно за двегодишен договор или вкупно осум милиони евра.
Сепак, според руските новинари, Манџукиќ се согласил на значително помала плата во новиот клуб. Во Москва тој треба да заработува 2,7 милиони евра по сезона.
Лаутаро останува во Интер
Менаџерот на Лаутаро Мартинез, тврди дека Аргентинецот останува во Интер и дека приказните за неговиот трансфер во Барселона или Реал Мадрид не се точни. Да потсетиме, вчера имаше информација дека Лаутаро се сели во Реал за 100 милиони, но таа бргу беше демантирана.
Видал наскоро во Интер
Артуро Видал наскоро ќе стане нов играч на Интер, а италијанскиот клуб ќе и плати на Барселона 500.000 евра со бонуси, пишуваат скоро сите релевантни шпански медиуми. Видал имаше голем договор со Барселона, а Интер, наводно, ветил дека ќе го врати преостанатиот дел од договорот на Чилеанецот.
Барселона донесе напаѓачот
Мемфис Депај наскоро ќе биде претставен како нов играч на Барселона, пишува холандски Де Телеграф, медиумот кој прв го објави трансфер на Де Јонг во Барселона.
Роналд Куман сака да го донесе Депај како засилување во нападот на Барселона. Се шпекулира дека е постигнат договор со Лион, како и со самиот фудбалер.
Одштетата не е позната, но Лион претходно побара износ до 50 милиони евра, па се очекува обештетувањето да не ја надмине оваа бројка. Депај би требало да биде претставен до крајот на оваа недела.
