Меси е најплатениот фудбалер во 2020 година – дали знаете колку заработи?

Капитенот на Барселона, Лионел Меси е најплатениот фудбалер во 2020 година, според списокот објавен од списанието Форбс. Реномирано списание процени дека годишната плата на Меси во Каталонија е цели 126 милиони долари.Сега ни е јасно јасно зошто Меси реши да остане во Барселона.

Зад него е фудбалерот на Јувентус, Кристијано Роналдо со 117 милиони, а на третото и четвртото место на листата на Форбс се напаѓачите на ПСЖ, Нејмар со 96 милиони долари и Килијан Мбапе со 42 милиони.

Фудбалерот на Ливерпул, Мохамед Салах е петти со годишна плата од 37 милиони долари, потоа следи Пол Погба од Манчестер Јунајтед со 34, додека Антоан Гризман од Барселона има заработено еден милион помалку.

Фудбалерот на Реал Мадрид, Герет Бејл е на осмото место според годишната заработка со 29 милиони долари, по што следи напаѓачот на Баерн, Роберт Левандовски со 28, како и голманот на Јунајтед Давид де Хеа со 27 милиони долари.

(Teelgraf.rs)