Најчесто место на Ковид-19: Заболените од корона на лекарите им кажале иста работа
Новата студија на американскиот центар за превенција и контрола на болести ги споредила возрасните лица заболени со коронавирус и оние кои имаат негативен резултат. Се покажало дека во првата група има двојно повеќе луѓе кои оделе во ресторани 14 дена пред да се заразат.
Студијата анализирала податоци од 314 возрасни лица кои во јули биле позитивни на Ковид – 19, бидејќи имале симптоми: 154 биле позитивни, 160 биле негативни.
Тестовите се направени во 11 различни здравствени институции во 10 американски држави: Калифорнија, Колорадо, Мериленд, Масачусетс, Минесота, Северна Каролина, Охајо, Тенеси, Јута и Вашингтон.
Истражувачи од американскиот центар за контрола и превенција на болести, како и други институции, внимателно ги испитале одговорите на пациентите на прашањето дали носат маски, а ги прашале и за нивните активности, вклучително и дали неодамна ручале во ресторан, отишле во бар или теретана.
Податоците покажаа дека 42 проценти од возрасните кои биле позитивни на тестот имале близок контакт со најмалку едно заразено лице, во однос на 14 проценти од оние кои биле негативни.
Истражувачите откриле дека 71 процент од возрасните со Ковид-19 и 74 проценти од оние кои сенегативни, изјавиле дека секогаш во јавност користат некаква форма на заштита на лицето.
