Сезонски грип и коронавирус: Што ако “се судрат” би му правиле на вашето тело

Времето на сезонскиот грип се ближи. Ако тој и коронавирусот „се судрат“, може да имате големи проблеми. Еве како тие можат да влијаат на нашето здравје.
Колку и да е непознат коронавирусот, експертите немаат дилема околу една работа – доколку во исто време се заразите од сезонски грип и коронавирус, тоа би било катастрофално за вашиот имунитет.

И коронавирусот и грипот можат да ги нападнат белите дробови, да предизвикаат нивно воспаление, вода или пак застој на распираторните функции. Секоја болест, покрај тоа, може да предизвика сепса, воспаление на срцето, мозокот или мускулните ткива. Сепак, сè уште немаме податоци врз основа на кои би знаеле што точно се случува кога некој ќе се разболи во исто време.

Мајкл Метју, професор по медицина и специјалист за интензивна нега на Универзитетот во Сан Франциско, изјави дека процентот за воспаление на белите дробови ќе биде поголем доколку телото во исто време се зарази со грип и Ковид-19. Според него, овие два вируси заедно можат да ги оштетат белите дробови и да предизвикаат респираторни проблеми. 

И грипот и коронавирусот имаат слични симптоми – треска, кашлица, отежнато дишење, замор, болка во грлото, болки во телото и течење на носот. Некои луѓе може да имаат нагон за повраќање и дијареја. Единственото нешто што дефинитивно ги разликува, барем засега, е губење на мирис и вкус, карактеристично за коронавирусот.

Извор: b92.net