Трејлерот за новата верзија на научно-фантастичниот филм Дина ги воодушеви обожавателите

Дина е еден од најголемите научно-фантастични романи напишани некогаш и конечно ни пристигна првиот трејлер за најновата адаптација, на култниот роман на Френк Херберт од 1965 година прикажан преку очите на режисерот Денис Вилнев.

Актерската екипа е полна со sвезди, вклучувајќи ги Тимоти Шалем, Ребека Фергусон, Оскар Ајзак, Стелан Скасгард, Зендеја, Џејсон Момоа, Џош Бролин, Дејв Батиста и Хавиер Бардем.

На Вилнев научно-фантастиката не му е непозната, со оглед на тоа што претходно ги режираше филмови Blade Runner 2049 и Arrival. Трејлерот беше објавен пред неколку дена и веќе има нешто помалку од 20 милиони прегледи само на Јутјуб, со одлични  коментари на обожавателите.

Планирано е Дина да биде првиот од двата филма базирани на оригиналната книга на Херберт. Премиерата е закажана за 18 декември, и тој ќе ја опфати првата половина, додека вториот филм (кој сè уште нема наслов или датум на излегување) ќе го опфати остатокот од романот.

Мало потсетување – адаптацијата на Дина на Дејвид Линч од 1984 година, и покрај скромната заработка и поделените критики, стана култен филм.