Луда работа: Не можете да одите на одмор на овој остров ако не сте прележале Ковид-19

Некои земји ги отворија границите за туристите и ги укинаа ограничувањата што ги имаа со цел да се заштитат од пандемијата, а меѓу нив има и остров во Бразил, кој сè уште има само еден услов за влез – дека сте прележале Ковид-19.

Архипелагот Фернандо де Нороња кој е еден од најпопуларните туристички дестинации во Бразил, повторно е отворен за туристите, пишува Метро. Но, секој што сака да го посети ова место мора да има доказ дека прележал коронавирус. Туристите ќе треба да достават докази во форма на позитивен ПЦР тест, стар најмалку 20 дена и резултати од серолошки тест што икажува на тоа дека тие имаат антитела против Ковид-19.

Архипелагот кој е заштитен од УНЕСКО се наоѓа на околу 300 километри од североисточниот брег на Бразил. Неговите жители се надеваат дека со доаѓањето на туристи ќе се опорави економијата, а доколку туристите веќе се опоравиле од вирусот, постои помала можност тие повторно да се заразат. Затоа, тие ќе можат слободно да се шетаат низ островот, без страв од можна трансмисија.

Властите ги прекинаа туристичките посети во март кога пандемијата стави многу делови на Бразил во целосна изолација. Во оваа земја, повеќе од 120.000 луѓе починаа како резултат на пандемијата.

Извор. Metro