Инфлуенсери платиле 95.000 долари за да го откријат полот на бебето на највисоката зграда на светот (ВИДЕО)

Анас и Асала Марва платиле неверојатни 95.000 американски долари, полот на нивното неродено бебе да се појави на Бурџ Калифа.

Секако, тие снимиле сè, а видеото го објавија на Јутјуб, кое беше прегледано повеќе од 15 милиони пати за само два дена, се додека не престана да се шири на социјалните мрежи.

Во моментот кога на највисоката зграда во светот се појавува сината боја и натписот „It’s a boy“, родителите не можат да ја сокријат својата еуфорија. Анас e толку среќен што за малку неговата ќерка Мила, ќе му падне од раце.

Сите присутни веднаш им честитаа на идните родители на момчето, но реакциите на социјалните мрежи за различни. Многумина ја осудуваат двојката за овој потег бидејќи потрошиле премногу пари.

Г-ѓа Марва, која со својот сопруг го планирале сето ова цел месец, изјави: „Сакавме да направиме нешто уникатно и незаборавно за сите да можеме да го гледаме во иднина и да се сетиме на тоа што ние како семејство сме направиле”.

Твитер профилот на Бурџ Калифа, кој исто така го сподели видеото, му честиташе на парот, пишувајќи дека “големите вести едноставно не можат да бидат поголеми од оваа. Највисоката зграда на светот се осветли и го откри полот на детето”.
Анас и Асала се добро познати инфлуенсери од Дубаи. Таа има 2,6 милиони следбеници, а тој 2,5, додека нивната ќерка има и профил на Инстаграм.