Се запалило возило кое пренесувало избирачки материјал

Возило на Општинската изборна комисија Гостивар марка „Ford Transit„ управувано од 35-годишниот Ф.А. од Гостивар кое превезувало избирачки материјал и уште четворица членови на ОИК Гостивар, утрово околу 4:30 се запалило во движење во близина на наплатната станица Тетово.

Додека возилото се движело возачот забележал чад кој излегувал од моторот и веднаш го запрел возилото. Од безбедносни причини, членовите на ОИК Гостивар и возачот не сакале да го продолжат патот кон Скопје со истото возило, па повикале другo. Избирачкиот материјал не бил оштетен воопшто, бил префрлен во друго возило и испратено во Државната изборна комисија. Соопшти портпаролот на СВР Тетово.