Од денес забранети цигарите со ментол во сите земји на ЕУ

Од 20 мај, цигарите со ментол или овошни вкусови ќе бидат забранети во сите земји на ЕУ, објави германската новинска агенција.

Оваа донесена одлука се должи на фактот дека ментол и други адитиви го ублажуваат мирисот на самиот тутун, а цигарите стануваат попривлечни, особено за почетниците.

Со оваа одлука, ЕУ го заврши четиригодишниот транзиционен период воведен за штетните производи по здравјето: во 2016 година стапи на сила програмата против тутунот, што некои тутунски компании се обидоа да ја оспорат. Сепак, Европскиот суд на правдата не ги прифати нивните забелешки . Оттогаш, две третини од кутијата за цигари и тутун, од двете страни, треба да зафаќаат одбивни слики што ги илустрираат сериозните последици од пушењето и предупредувачки пораки.