Ентони Фаучи го негира тврдењето на американскиот претседател Доналд Трамп

Водечкиот американски епидемиолог Ентони Фаучи го негираше тврдењето на американскиот претседател Доналд Трамп дека коронавирусот е смртоносен како и грипот.
Тој потсети дека симптомите на овие две болести се слични, но дека штетата што коронавирусот ја предизвикува на организмот е значително различна од онаа предизвикана од сезонскиот грип, пренесува NBC News.

Трамп претходно напиша на Твитер дека доаѓа сезоната на грип и дека многу луѓе умираат од грип секоја година и дека порано биле повеќе од 100.000 луѓе, и покрај вакцината.
“Дали ќе ја затвориме државата? Не, научивме како да живееме со грипот, исто како што научивме да живееме со коронавирусот, кој е помалку смртоносен кај пошироката  популација”, напиша Трамп.

Во друго интервју, Фаучи оцени дека неодамнешното ширење на коронавирусот во Белата куќа можело да се спречи.

Откако претседателот на САД, Доналд Трамп, објави дека е позитивен на коронавирусот, се повеќе негови блиски соработници добија резултати дека се позитивни, а позитивна на Ковид-19 е и првата дама, Меланија Трамп.

„Погледнете што се случи оваа недела во Белата куќа “, изјави Фаучи во едно интервју на прашањето што би ги советувал луѓето кои се собираат со своите роднини и пријатели и кои сметаат дека пандемијата е измама.

“Тоа е реалност. Секој ден се повеќе се инфицираат луѓе. Тоа не е измама. Тоа е несреќна ситуација кога ќе видите такво нешто што можеше да се спречи”, рече Фаучи.

Фаучи повеќепати влегуваше во судир со Трамп, кој ги релативизираше ризиците од коронавирусот уште од почетокот на пандемијата.

Досега починаа повеќе од 210.000 луѓе во САД, а повеќе од седум милиони се заразени.