Денеска се празнува Света Нина

Света Нина, просветителката на Грузија, е една од најзначајните христијански светителки во православниот свет. Позната е како апостолка на Грузија, бидејќи го донела христијанството во оваа земја во почетокот на 4 век. Нејзиниот празник се одбележува на 14 јануари според православниот календар.

Роднина на Светиот великомаченик Георгиј и на Ерусалимскиот патријарх Јувеналиј. Бидејќи мајка ѝ и татко ѝ, кападокиски благородници, се замонашија, беше воспитана под надзор на патријархот Јувеналиј. Кога слушна за грузискиот народ, света Нина, уште малечка, сакаше да отиде во Грузија и да ги покрсти Грузијците. Ѝ се јави Пресвета Богородица и ѝ вети дека ќе ја одведе во таа земја. Кога Господ ѝ го отвори патот, младата Нина навистина отиде во Грузија, каде што за кусо време стекна голема љубов на народот. Успеа да го покрсти грузискиот цар Миријан, неговата сопруга Нана и нивниот син Бекар, коишто потоа ревносно ја помагаа света Нина во мисионерската работа. Во текот на животот, Нина успеа да ја изврви цела Грузија и да го преведе, главно, сиот народ во верата Христова, и тоа токму во времето на страшното гонење на христијаните од страна на Диоклецијан. Отпочина од своите многубројни трудови и се упокои во Господа во 335 година. Нејзиниот гроб се наоѓа во Самтаврскиот храм. Изврши многу чуда за време на животот и после смртта.

Света Нина е позната по својот специфичен крст, наречен “Крстот на Света Нина”, кој е направен од винова лоза и врзан со нејзината коса. Овој крст станал симбол на христијанството во Грузија.

Света Нина е почитувана како заштитничка на Грузија и симбол на вера, љубов и посветеност. Нејзиното дело оставило траен белег врз историјата и културата на Грузија.