Кој е човекот кој сакаше да купи држава за да ги избегне законите за авторски права
Малкумина знаат дека еден човек навистина сакал да купи сопствена држава само за да избега од законите за авторски права. Звучи како филм, но приказната е вистинска.
Станува збор за Gottfrid Svartholm – коосновачот на The Pirate Bay, сајт кој со години беше најголемиот трн во око на владите и филмската индустрија.
Во текот на годините, властите од повеќе држави се обидуваа да го изгаснат сајтот, да му ги запленат серверите и да го тргнат од интернет. Но секој нивен обид имаше спротивен ефект – страницата стануваше уште попопуларна.
Кога серверите ќе беа одземани, The Pirate Bay повторно се враќаше онлајн за само неколку дена. Милионските тужби и судските процеси наместо штета, му носеа уште поголемо внимание и нови корисници.
Во еден период, Gottfrid Svartholm дури размислувал серверите да ги пресели во Северна Кореја, а како „резервен план“ ја споменувал и вселената. Иако звучи апсурдно, токму таквиот пристап го претвори во интернет легенда.
И покрај блокадите во многу земји, фановите постојано правеа копии од сајтот за тој да продолжи да постои. Така The Pirate Bay стана еден од најблокираните, но и најиздржливите сајтови во историјата на интернетот.
По повеќе од две децении борба со властите, приказната за The Pirate Bay останува симбол на отпорот против интернет цензурата и контролата на дигиталната содржина.
