Како Black Friday влијае на нашите мозоци и совети како да се избегне трошење на сите пари на шопинг
Црниот петок: како попустите го „хакнуваат“ мозокот на купувачите
Црниот петок одамна не е еднодневна акција, туку двонеделна трка по попусти во која трговците вешто ги користат нашите психолошки слабости. Ограничени понуди, тајмери и пораки за „последни залихи“ создаваат чувство на итност што нè тера да купуваме брзо и понекогаш – необмислено.
Стручњаците објаснуваат дека под притисок мозокот побрзо донесува одлуки и бара помалку информации. Она што во опасни ситуации е корисен инстинкт, за време на распродажби се претвора во импулсивно трошење. Чувството на недостиг и конкуренција – „само 3 останати“ или „12 луѓе го гледаат ова“ – ја зголемува перцепираната вредност на производот и го активира стравот од пропуштање.
Трговците го знаат ова и намерно создаваат вештачка итност. Во тие моменти прашањето „дали навистина ми треба?“ лесно се губи во позадина.
Како да купувате паметно за време на попусти?
-
Направете список однапред.
-
Одредете буџет и придржувајте се до него.
-
Секогаш направете пауза пред плаќање.
-
Прашајте се: „Би го купил ли ова без попуст?“
