Кожената јакна на Мајкл Џексон продадена за неверојатна сума
Уште еден предмет што му припаѓал на Мајкл Џексон за време на неговиот живот, се најде на продажба. Овој пат продадена е црно-бела кожна јакна од американскиот пејач и текстописец.
Договорот беше финализиран на Propstore Auction во Лондон. За предметот купувачот платил повеќе од 305 илјади долари.
„Во оваа јакна, тој глумеше во реклама за Пепси, која беше емитувана на телевизиските екрани во 80-тите години. Соодветната фотографија исто така беше продадена“, се вели во соопштението на аукциската куќа.
На аукцијата беше продадена и сет листа од еден од концертите на рок групата Нирвана. Напишанa е од нејзиниот лидер Курт Кобејн. Рачно напишаниот текст на песната Wonderwall на британскиот рок бенд Oasis исто така се најде и на продажба.
