Елтон Џон ја заврши прошталната турнеја со концерт во Стокхолм
Брилијантниот музичар и витез од редот на британското кралство Елтон Џон ја заврши својата турнеја Farewell Yellow Brick Road со настап во Стокхолм.
Светската турнеја на Елтон Џон започна во 2018 година, а нејзиното завршување беше закажано за јули 2023 година. Во летото 2022 година, за време на концертот во Детроит, Сер Елтон изјави дека ова е неговото последно патување и им се заблагодари на фановите за нивната континуирана поддршка низ годините. Турнејата траеше пет години наизменично. Последната песна што ја изведе 76-годишниот музичар беше Goodbye Yellow Brick Road од истоимениот албум од 1973 година.
Пред тоа, во целосно исполнетата Tele2 Арена, пијанистот и композитор го отсвири еден од неговите најпознати хитови, Your Song. Елтон Џон потсети дека неговиот прв концерт во Шведска се одржа на 7 јули 1971 година – пред 52 години.
“I’ve had the most wonderful career, beyond belief. Fifty-two years of pure joy playing music, how lucky am I to play music?”
“It’s been my lifeblood to play for you guys and you’ve been absolutely magnificent – thank you. I will never forget you guys. I’ve played so many concerts, how could I forget?
“You’re in my head, and my heart and my soul, and I thank you so much.”
Според Дејли Мејл, за повеќе од 50 години, Елтон Џон одржал над 4.000 концерти во повеќе од 80 земји.
На концертот во Стокхолм, Елтон потврди дека никогаш повеќе нема да оди на турнеја . Но, не ја исклучи можноста дека понекогаш ќе настапува.
