Малдивите oчекуваат да заработат милијарди од вакцинирање туристи!

Абдула Муса, министер за туризам на овој рај на земјата, одлучи туристите во „all inclusive“ да имаат и вакцина. 

Многу луѓе сонуваат за вакцина против корона вирусот, и кога ќе додадете можност да уживате во погледот на тиркизното море – тогаш таквата дестинација е остварување на сите соништа.

Владините претставници на Малдиви планираат да ја искористат короната! Имено, тие решија да се справат со овој вирус и повторно да ги „наполнат“ хотелите со помош на вакцината.

– Започнавме кампања и се свртуваме кон „3V“ туризам: Visit, Vaccinate, Vacation! Ова значи дека најпрво ќе ги вакцинираме сите вработени во туризмот, потоа сите жители, а потоа ќе им понудиме на сите туристи да бидат вакцинирани во рамките на пакетот аранжман – изјави Абдула Муса, министер за туризам на Малдиви.

Малдивите вакцинираа 90% од вработените во туризмот и 50% од населението. Тие се отворени за вакцинирани туристи, додека другите мора да направат PCR-тест.