Стари верувања: на 1-виот ден од Новата година, не мијте ги садовите, пијте шампањ

Постои верување дека носењето црвено носи среќа во новата година и затоа се препорачува да имате нешто од таа боја на последниот ден од старата година. Многу жени избираат да ја следат оваа традиција со црвена долна облека, на задоволство на мажите…

Носењето црвена долна облека датира од античко време на палење вештерки. Тогаш црвената боја била поврзана со крв, ѓавол и волшебство. Не било паметно да се носи на јавно место, па тие облекувале црвено под облеката. Многумина верувале, а некои веруваат и денес, дека таа ги симболизира животот и сончевата енергија, пренесуваат медиумите.

Уште некои стари верувања: 

• Во Новата година треба да се влезе со полн фрижидер и со малку пари во секој паричник затоа што тоа повикува на просперитет. 
• Децата родени на 1 јануари се сметаат за деца на среќата. 
• Не мијте садови или алишта на првиот ден од новата година – се смета дека некој ќе исчезне од куќата ако тоа се прави. 
• Бидете внимателни да не кинете нешто на првиот ден од новата година бидејќи тоа се смета за лош знак. 
• Не влегувате во нова година со долгови затоа што тие ќе ве следат цела година, а вие сигурно не го сакате тоа.
• Не вадете ништо од куќата за време на новогодишната ноќ, не смеете да тресете ниту трошки од чаршав за маса бидејќи ќе бидете без пари. 
• Новата година мора да ја дочекаме со многу бучава – ги истерува злите духови. 
• Првиот што ќе ви го честита влегувањето во новата година мора да биде од спротивниот пол, тоа повикува на среќа во љубовта. 
• Кој ќе ја испие последната голтка шампањ од шише, ќе има многу среќа во наредната година. 
• Првиот гостин што влегол во вашата куќа во новата година треба да биде висок, темнокос човек кој носи подарок – тоа носи среќа. 
• Носи несреќа ако првиот гостин е маж со црвена или руса коса или ако е жена.