Наскоро објава на 12 великани? Се согласија за Суперлигата како одговор на новата Лига на шампиони

Од Франција ни доаѓа вест дека наскоро 12 големи европски клубови официјално ќе ја објават веста за формирање на Суперлигата.

Мохамед Бухафси, уредник на РМЦ Спорт, тврди дека договорот го склучиле Манчестер Јунајтед, Ливерпул, Манчестер Сити, Арсенал, Челзи, Тотенхем, Барселона, Реал Мадрид, Атлетико Мадрид, Интер, Милан и Јувентус. Британски „Тајмс“ наведува дека станува збор за 11 клуба и дека се уште нема потпис од Манчестер Сити.

Во моментов нема германски или француски клубови во Суперлигата. Бухафси наведува дека Баерн и ПСЖ сакаат да останат во УЕФА и со тоа да ги засилат своите позиции во рамките на таа организација. Суперлигата би требало да има 20 клубови, 16 постојани членови и четири кои ќе изборат место преку националните шампионати. Би биле поделени во две групи од по 10 клуба, а четири клуба од групата би се пласирале во четвртфиналето.

УЕФА се заканува со исфрлање од натпреварувањето

Да потсетиме, Уефа утре треба да претстави план за нова Лига на шампиони. Според тој план, од сезоната 2024/25 г. во најсилното европско натпреварување ќе се натпреваруваат 36 клуба и нема да се игра групната фаза. Би имало повеќе натпревари и поголема заработка за клубовите.

Сепак, најголемите клубови не се задоволни од таквата промена и ја сакаат лигата само за нив. Газета дело Спорт пренесува дека УЕФА ќе им се закани на овие клубови со исфрлање од нивните натпреварувања.