Роналдо се враќа во Реал?!

Шпанската станица „El Chiringuito“, која знае да пласира ексклузивни вести од Реал, објави дека започнале преговорите меѓу Кристијано Роналдо за враќање на „Сантијаго Бернабеу“.

Откриено е дека португалскиот менаџер Жорж Мендеш веќе одржал состанок со претставниците на Реал за можно враќање.

Во Реал се уште ја разгледуваат таа опција во моментот кога им е достапен петкратниот најдобар фудбалер на светот, бидејќи тој е пред излезната врата на Јувентус.

Токму од Реал пред две и пол години, незадоволен од третманот со претседателот Флорентино Перез, Роналдо се пресели во Торино за 100 милиони евра.

Сега тој би можел, на 36-годишна возраст, да се врати во клубот, со кој доживеа брилијантни моменти и освои четири трофеи во Лигата на шампионите со Реал, два во ЛаЛига.