Ве мачи пролетен замор? Имаме решение

Во овој период од годината, сосема е нормално да страдате од таканаречен пролетен замор.

Поспаност, малаксаност, болки во мускулите и недостаток на концентрација се само некои од вообичаените симптоми.

Најдобар и најефикасен лек за пролетен замор е умерена и континуирана физичка активност, а препораката на лекарите е да ги прилагодите вежбите според состојбата на организмот и здравјето.

Нема потреба да брзате со вежбањето, на пример, веднаш да играте фудбал, бидејќи на тој начин  можете да постигне контра-ефект и да предизвикате дури и некои несакани последици.

Половина час бавно трчање, одење или вежбање во природа е сосема доволни за да го раздвижете  телото и да ја подобрите циркулацијата.

Експертите исто така препорачуваат да поминете најмалку 15 минути во текот на денот на сонце, со цел да му обезбедите на организмот доволни количини на витамин Д.

Пролетниот замор можете полесно да поднесете со разновидна исхрана богата со витамини, особено Б и Ц. 

Во овој период, треба да јадете храна богата со железо, како месо, риба, јајца, морски плодови, зелен лиснат зеленчук, мешунки и доволно течности кои ќе спречат главоболки и слабост и ќе го одржат нормалниот крвен притисок.

Пролетта е исклучително пријатна за срцето, бидејќи со поубавото време, притисокот се намалува, стеснувањето на крвните садови во периферијата се намалува, па затоа работи полесно, а стресот и депресијата, кои го влошуваат здравјето, стивнуваат.

Со доаѓањето на пролетта, луѓето кои имаат проблеми со срцето можат да ја намалат дозата на лекови, односно да ја прилагодат на вообичаените температури за овој период од годината.

И добриот сон е многу важен, бидејќи обезбедува обновување на организмот, кој во текот на денот интензивно се „троши“ на адаптација.