Не е мит: Жените полесно толерираат болести, а за тоа виновни се хормоните

Не само во случај на грип и корона: Тестостеронот го ослабува имунитетот кај мажите, па експертите сметаат дека токму затоа жените имаат поголема веројатност да преживеат рак, нивното тело реагира подобро на вакцините и живеат подолго од мажите 

Жените имаат посилен и поагресивен имунитет од мажите, а покрај тоа, кај нив подобро делуваат вакцините и голем број лекови, вели професорот Питер Џонсон, шеф на клиниката во британскиот институт за истражување на рак, пишува Daily Mail.

Според неодамнешното истражување на Универзитетот во Лидс, мажите многу почесто умираат од малигнен меланом отколку жените. Експертите веруваат дека причината е тестостеронот, т.н. машкиот хормон. 

Имунитетот на мажите инаку помалку се брани од клетките на ракот и не успева да го запре нивното ширење во телото како женскиот. Ова исто така може да биде причина зошто тие повеќе умираат од меланом. 

– Малигниот меланом е особено поврзан со имунитетот, а еден од главните виновници е тестостеронот. Поради него, мажите имаат повеќе коса, четвртасти бради, но и послаб имунитет – објаснува професорот Џонсон.

Во студии на животни, научниците го блокирале дејството на тестостеронот и откриле дека постапката го забрзува обновувањето на имунитетот. Сепак, лошата страна на силниот женски имунитет е нивната поголема подложност на автоимуни болести, покажа студија направена на Универзитет во Германија. Како резултат на тоа, тие имаат значително поголема веројатност да страдаат од хронични болести како што се дијабетес тип 1, мултиплекс склероза, автоимуно заболување на тироидната жлезда и ревматоиден артритис. 

На кој начин тестостеронот му смета на имунитетот не е разјаснето, но научниците веруваат дека откритието може да им помогне да создадат поефикасни терапии за мажите. Покрај тоа, заклучено е дека тестостеронот исто така игра голема улога во тоа што жените подобро ги поднесуваат инфекците како што се грип и коронавирусот.