Повеќе нема да уживаме во неговите акциони улоги

Liam Neeson, кој се стекна со слава со бројни улоги во популарни филмови како „Star Wars“, „Schindler’s List“ и „Taken“, ги шокираше своите обожаватели откако објави дека повеќе не планира да игра во акциони филмови. 

„Наскоро ќе наполнам 69 години и имам уште неколку снимања ако ми дозволи коронавирусот, и тоа ќе биде тоа“, изјави Liam за Е news.

„Мојата одлука е конечна, освен ако не ме присилат на спротивното“, се пошегува тој.

Neeson ја започна својата актерска кариера во средината на седумдесеттите години од минатиот век, и од тогаш до денес има постигнато голем број значајни улоги. 

Тој беше номиниран за Оскар во 1994 година за улогата на Oskar Schindler во култниот филм „Schindler’s List“. 

Неговиот нов филм „The Marksman“ наскоро доаѓа во киносалите, а во него глуми поранешен маринец кој мора да го остави својот живот настрана за да заштити 11-годишно момче.