ТОП листа: Промената на животот е новогодишна желба број 1, а третата е недостижна

Секоја нова година, донесуваме некоја одлука и – се откажуваме. 

Статистичките податоци велат дека скоро 90 проценти од припадничките на понежниот пол секоја година во ова време донесуваат одлуки за наредните 365 дена, но дека само 27 проценти од нив ги спроведуваат или барем се обидуваат да ги „претворат“ од теорија во пракса. 

Мажите се помалку амбициозни и само половина од нив во принцип размислуваат за тоа што би сакале да постигнат во следниот период, а пред сè – што веќе не сакаат да прават и со што да се согласат. Понекогаш ова е многу помудар пристап, бидејќи експертите велат дека поставувањето премногу цели создава стрес што не спречува да се опуштиме и да бидеме навистина среќни.

Интересно е што приоритетната листа на женски амбиции главно вклучува одлуки за промена на животниот стил, односно преминување на здрава исхрана и спортување, додека за мажите е важно да започнат да заработуваат повеќе, но и да заштедат за подобар автомобил или опрема. 

Експертите велат дека не е лошо да се размислува за она што би сакале да ни се случува следната година, но дека не треба да се заснова на принципот на големи очекувања, туку да се обидеме да бидеме навистина среќен држејќи се до едноставни, хумани и лесно остварливи работи. Затоа, украдете некои од „обичните“ идеи.

• Ќе се обидам да поминам повеќе време со луѓето што ги сакам и ќе раскрстам со „токсичните“ луѓе кои ме опкружуваат. 
• Повремено ќе одвојувам моменти само за себе. 
• Ќе подарувам работи што не ги носам повеќе од една година, бидејќи тоа значи дека и не ми требаат, а тоа може да направи некој среќен. 
• Ќе шетам повеќе и ќе „седам“ помалку на социјалните мрежи. 
• Секој ден ќе се наградувам со комплимент за нешто што сум работел – на работа, во кујна, комуникација со луѓе … 
• Ако сум несреќен во љубовта, ќе му кажам на мојот партнер, и нема да ги ставам работите под тепих. 
• Ќе работам на наоѓање подобра работа наместо да се жалам секој ден дека сум незадоволен. 
• Ќе смислам ново хоби за да се занимавам секогаш кога ќе имам време или кога ќе ме нападнат мрачни мисли.