Конечно знаеме кој е повеќе духовит – мажите или жените

Тешко е да се утврди на чии шеги се смееме повеќе, на машките или женските, но, судејќи според истражувањето на научниците од Универзитетот во Абериствит и Северна Каролина, посилниот пол е сепак подуховит. 

Анализата на 28 студии го „рангираше“ хуморот на 5.000 анонимни учесници, оценувајќи ги нивните шеги, како и духовитите реченици со кои тие надополнувале цртан филм. Резултатот покажа дека дури 63 проценти од мажите се повеќе духовити од жените, а д-р Гил Грингос истакна дека ова оди подалеку во прилог на посилниот пол бидејќи дамите веруваат дека смислата за хумор е тесно поврзана со интелигенцијата.

Дури 63% од мажите се повеќе духовити од жените. 

Се чини дека таквиот „однос на моќ“ е подеднакво добар и за двата пола, бидејќи е докажано дека мажите повеќе сакаат жени кои се смеат на нивните шеги. 

Д-р Грингос го објасни ова со зборовите дека припадниците на посилниот пол постојано вербално се натпреварувале едни со други за време на еволуцијата, со цел да ја придобијат дамата, па шармантниот, смешен начин на презентирање на настаните им помогнале да ги освојат женските срца.