Американците сериозно загрижени: Може ли 5G да предизвика авионска несреќа

Со оглед на тоа што сè уште е релативно непозната, 5G мрежата  е сè уште предмет на бројни стручни дискусии, како и теории на заговор. Сепак, администрацијата на американската државна авијација, како и Министерството за транспорт, испратија жалба од експертска гледна точка. 

Имено, овие институции побараа воведувањето на мрежата 5G во САД привремено да се запре додека не се спроведе истрага за тоа како таа може да влијае на воздушниот сообраќај.

Како што објаснија, фреквентниот опсег на 5G мрежата е многу близу до фреквенциите што се користат за навигација во авионите, а тоа може да доведе до разни несреќи. Тие исто така наведуваат дека една од потенцијалните последици, се разбира, може да биде авионска несреќа, а со тоа и човечки жртви. 

Имплементацијата на 5G мрежата во САД значи дека таа ќе работи во спектарот од 3,7 до 3,98 GHz. Соседниот спектар, од 4,2 до 4,4 GHz, се користи веќе неколку децении за работа на височини, односно радарски уреди во авиони, кои ја мерат висината, пренесува Defence News.

Експертите, според тоа, сметаат дека треба да се спроведат темелни истражувања пред да продолжи воведувањето на 5G мрежите. Од друга страна, Федералната комисија за комуникации на САД не го дели ова мислење – тие тврдат дека растојанието помеѓу овие два фреквентни опсези е доволно и дека не треба да има проблеми.