Успешните луѓе ги имаат овие ритуали пред спиење
Работите што ги правиме пред да легнеме најмногу влијаат на спиењето.
Иако е потребно денот да се започне со здрави и корисни навики, важно е и како ќе го искористите времето додека не си легнете. Постојат неколку ритуали на кои многу успешни луѓе се придржуваат пред спиење, и кои имаат ефекти.
Тие го замислуваат утрешниот успех
Веројатно сте слушнале за познатиот мотивационен филм The Secret, кој објаснува колку е важна визуелизацијата на успехот и како за себе на тој начин собираме позитивна енергија и подоцна, свесно или несвесно, работиме кон тоа.
Прават список на обврски за утре
Понекогаш луѓето не можат да спијат затоа што имаат премногу работи на ум. Тој хаос треба да се смири со списокот на кој ќе ги ставите своите обврски. Ослободете ги мислите и напнатоста со редот што ќе го направите.
Тие поминуваат време со семејството
Психолозите наведуваат дека ништо не не смирува како поминувањето време со семејство или домашното милениче пред спиење. Дури и разговор со вашиот партнер во кревет може да помогне и да ве направи безгрижни.
Mедитираат
Постојат многу успешни луѓе што го прават ова. Нивниот мозок работи брзо и тие се постојано во акција. Многу им е тешко одеднаш да се смират и да заспијат. Десет минути медитација ги опушта вашиот ум и тело.
Не се во допир со работата
Сите деловни, успешни луѓе ги проверуваат своите мејлови и обврски за следниот ден во вечерните часови, но мора да има ограничување. Оние кои се навистина успешни ги исклучуваат сите уреди во еден момент. Со тоа, умот е слободен, одморен и без напнатост.
