Перез официјално во Ред Бул, на негово место оди Фетел
Мексиканецот Серхио Перез и официјално е возач на Ред Бул, потврдуваат од тимот.
– Ред Бул потврдува дека Серхио Перез ќе биде во тимот, заедно со Макс Ферстапен, за следната сезона во Формула 1 – се наведува во соопштението.
Мексиканецот во австрискиот тим го заменува Алекс Албон, кој следната сезона ќе има улога на резервен и тест возач.
– Исклучително сум благодарен на тимот на Ред Бул што ми дадоа шанса да возам за нив во 2021 година. Можноста да возам за тим што се натпреварува за шампионската титула е нешто на што се надевав откако дојдов во Формула 1. Горд сум што ќе возам за Ред Бул, заедно со Макс – изјави Перез и додаде:
– Можете да бидете сигурни дека ќе бидам максимално концентриран. Тука сум да му помогнам на тимот да се бори за титулата – изјави Перез.
