Најчест симптом на корона, а не е покачена температура
Коронавирусот „владее“ со нашите животи скоро една година, но благодарение на бројните истражувања и студии, светот денес го познава вирусот многу подобро отколку во раните денови на пандемијата.
Истражувањата продолжуваат да ги откриваат фактите за вирусот, вклучувајќи и ново истражување кое го претставува најчестиот можен симптом: мијалгија или болка во мускулите. Напредокот во разбирањето на симптомите поврзани со Ковид-19 исто така може да помогне да се стави крај на оваа пандемија.
Истражувачите сега анализираат огромна количина на здравствени податоци создадени за време на пандемијата за да обезбедат појасна слика за симптомите на Ковид-19. Неодамнешното истражување објавено во британскиот медицински журнал се обиде да ги карактеризира симптомите на Ковид-19 кај луѓето во Исланд.
Студијата се состоеше од сите лица кои имале позитивен тест за коронавирус помеѓу 17 март и 30 април 2020 година.
Меѓу 1.564 лица позитивни на SARS-CoV-2, најчест симптом бил мијалгија.
Мијалгијата обично опишува болката во мускулите – односно во лигаментите, тетивите, меките ткива што ги поврзуваат мускулите, коските и органите. Мијалгија (55 проценти) била проследена со главоболка (51 процент) и сува кашлица (49 проценти). Висока температура и отежнато дишење биле поретки отколку што претходно биле пријавени.
