Џорџ Клуни итно пренесен во болница

Џорџ Клуни е хоспитализиран со силни болки во стомакот. 

Лекарите му дијагностицирале панкреатит, односно воспаление на панкреасот. 

Само четири дена пред почетокот на работата на новиот филм “The Midnight Sky”, актерот Џорџ Клуни итно е пренесен во болница со силни болки во стомакот, пишува Mirror. 

Клуни изгуби скоро 13 килограми поради улогата во филмот. Тој верува дека диетата е причина за неговата болест.

„Мислам дека премногу се трудев брзо да ослабам и веројатно не се грижев добро за себе“, изјави Клуни. 

Освен што ослабе за улогата, тој престана и да се бричи. “Ја пуштив мојата голема, грда брада. На мојот син му се допаѓаше затоа што криеше работи во неа, кои не знаев дека се таму додека не отидев на работа. Мојата сопруга и сестра ми беа многу среќни кога ја избричив “, рече актерот.