Почина Паоло Роси

Легендарниот италијански напаѓач Паоло Роси почина на 64-годишна возраст. 

По долго и тешко боледување, Паоло Роси почина на 64-годишна возраст, објави неговата сопруга Федерика со зборовите „Per Sempre“ – засекогаш. 

Паоло Роси имаше прилично богата кариера, а е најпознат по неговата игра во Јувентус и италијанската репрезентација.

„Човекот што го расплака Бразил“, како што стои во неговата автобиографија, беше најдобар стрелец на СП 1982 во Шпанија и беше најзаслужен што Италија го освои трофејот. 

Тој учествуваше во голем скандал со обложувалници во 1980 година, поради што беше суспендиран, но како што објасни во неговата автобиографија, бил наместен и не бил виновен.