Кина лансира ракета кон Месечината – по лунарен материјал: Ова е прв подвиг од 1970 година

Кина лансираше ракета со робот што треба да собере примероци од карпи од Месечината, што ќе ја направи првата земја што го стори тоа од 1970 година, објави Ројтерс.

Ракетата наречена „Long mart-5“ беше лансирана од островот Хаинан.

Мисијата Чанг Е-5, именувана по античката кинеска божица на Месечината, ќе собере материјал од Месечината за да им помогне на научниците да дознаат повеќе за потеклото и формирањето на Месечината.

Доколку мисијата е успешна, Кина ќе биде третата земја што ќе врати примероци од Месечината, по САД и Советскиот сојуз.

Вселенското летало треба да ги врати примероците на Земјата за 23 дена, а Кина минатата година го имаше своето прво беспилотно слетување на Земјиниот сателит, пренесува Танјуг.

Оваа година Кина лансираше сонда кон Марс, а во 2022 година планира да има постојан човечки екипаж во вселената.