Оксфордската вакцина ќе биде наменета за целиот свет: Цена – три до четири долари по доза

Вакцината против коронавирусот развиена од Универзитетот во Оксфорд во соработка со АстраЗенека ќе биде за целиот свет, бидејќи ќе чини само помеѓу три и четири долари.

„Оксфордската вакцина е вакцина за целиот свет. Додека Фајзер и Модерна објавија дека успешно ја завршиле третата фаза од тестирањата, британскиот тим првично истакна дека нивна цел е да го направат нивниот производ достапен за целата планета. Не се работи за вакцина која ќе може да се транспортира и чува на нормални температури, туку да биде достапна за секого“, објави британски Телеграф.

Целта која си ја поставиле научниците од Оксфорд и АстраЗенека е вакцината да им биде достапна на посиромашните земји во светот.

„Со цена од само три до четири долари по доза, оксфордската вакцина е само мал дел од цената на вакцината на Фајзер и Модрна, која ќе се продава по цена од 20 до 32 долари, што е скапо за многу земји во развој“, наведува Телеграф.

Директорот на тимот што ја направи вакцината во Оксфорд, Ендру Полард, вели дека тие направиле „вакцина за светот“.

“Нашата цел беше да ја направиме вакцината достапна насекаде. Мислам дека успеавме да го сториме тоа. Ова се многу возбудливи периоди за здравјето на луѓето”, изјави Полард.