ВЕГАНИТЕ ИМААТ 43% ПОВЕЌЕ ШАНСИ ДА СКРШАТ КОСКА ОД ЛУЃЕТО ШТО ЈАДАТ МЕСО! Објавено НАУЧНО ИСТРАУВАЊЕ!

Веганите имаат поголема веројатност да доживеат скршеница на коска во одреден момент од животот отколку луѓето кои јадат месо и риба, покажува најновото истражување.

Според студијата спроведена на скоро 55.000 луѓе, од кои 2.000 биле вегани, оние кои немале некаков вид месо во исхраната имале дури 43% поголеми шанси да скршат коска.

Учесниците во оваа студија за Оксфорд биле следени во просек 18 години.

Резултатите покажале вкупно 3.941 фрактури, а најголема разлика е во фрактурата на колкот, каде ризикот кај веганите е дури 2,3 пати поголем отколку кај „месојадите“.

Ова истражување е објавено во списанието BMC Medicine, а водач на тимот е д-р Теми Тонг, епидемиолог за исхрана. Таа изјави дека дошле до резултати според кои „веганите имаат поголем ризик од фрактури, во споредба со луѓето што јадат месо“.

Покрај многу поголемиот ризик од фрактура на колк, веганите имаат и поголем ризик од кршење на рацете, зглобовите, ребрата и клучните коски.