Што МУЗИКАТА што ја слушате кажува за вашето ментално здравје?

Истражувачи од финскиот универзитет Алто и данскиот универзитет во Архус ја тестирале нервната активност на учесниците додека слушале весела, тажна или “страшна” музика.

По добивањето на резултатите, тие се споредени со голем број индикатори за ментална состојба, вклучувајќи депресија, анксиозност и нервоза.

Откритието сугерира дека луѓето кои често слушаат тажни или агресивни мелодии имаат поголема веројатност да страдаат од анксиозност и нервоза.

Исто така, анализите покажаа дека мажите кои слушаат таква музика имаат помала активност на мозокот во деловите одговорни за регулирање на емоциите.

Истражувачите се надеваат дека нивните откритија ќе им помогнат на терапевтите да дадат подобри препораки на пациентите кога станува збор за изборот на музика.

Резултатите од студијата беа објавени во стручното списание „Frontiers in Human Neuroscience Journal“.