Околу милион луѓе примиле кинеска експериментална вакцина: Сè уште нема негативни ефекти?

Скоро милион луѓе досега ја примиле експерименталната вакцина изработена од кинеската фармацевтска компанија „Синофарм“ како дел од програмата за итни случаи одобрена од кинеската влада и досега не се регистрирани негативни ефекти меѓу примателите на оваа вакцина, соопшти управата на компанијата.

Шефот на Синофарм, Лиху Џинџен, потврди дека се вакцинирани скоро милион луѓе – градежни работници, дипломати и студенти и дека никој нема посериозна негативна реакција на вакцината, објави Си-Ен-Ен.

Тој изјави дека само на 6 ноември вакцината ја примиле дури 56.000 луѓе, кои потоа патувале во странство.

Лиу исто така потврди дека Синофарм ја спровела третата фаза на клинички испитувања во која учествувале скоро 60.000 луѓе од 10 земји, вклучувајќи ги Обединетите Арапски Емирати, Бахреин, Египет, Јордан, Перу и Аргентина.

Бидејќи Синофарм има две различни вакцини, не е јасно за која вакцина станува збор.