Како знаеме дека старееме?

Артритисот се појавува во четириесеттите години, прекумерно потење кај жените во менопауза во педесеттите години …

Истражувачите, по пат на анкета во која учествувале над 2.000 луѓе, откриле дека симптомите на мигрена почнуваат да се појавуваат во просек на 24-годишна возраст, болки во грбот на 33-годишна возраст, а седата коса на 39-годишна возраст.

Имено, научниците формирале временска рамка со наведените периоди во кои најголема можност е да страдате од мигрена, артритис, но и да добиете седа коса.

Како што пишува британскиот весник Дејли Меил, според истражувањето, артритисот се појавува во четириесеттите години, а прекумерно потење се јавува кај жени во менопауза во педесеттите години.

Две третини од испитаниците постари од 30 години изјавиле дека со текот на времето, почнуваат да чувствуваат дека нивното здравје се влошува.

Повеќе од половина од испитаниците веруваат дека студеното време влијае на здравствените проблеми во втората и третата фаза од животот, но огромното мнозинство од нив признале и дека имаат лоши навики како што е пушењето цигари.

Истражувањата покажаа дека нередовната и неправилна исхрана, недоволно вежбање, несоница и прекумерно користење на алкохол и цигари во голема мера негативно влијаат на здравјето и ја отвораат можноста за повеќе болести.