Прогноза на Бил Гејтс за бизнис по пандемијата

По завршувањето на пандемијата на корона вирусот, ќе има дури 50 проценти помалку службени патувања отколку порано, додека процентот на оние кои работат од дома ќе се зголеми, предвидува еден од најбогатите луѓе во светот, Бил Гејтс.

Тој за Бизнис инсајдер изјави дека по пандемијата, ќе има 30 проценти помалку канцелариска работа.

Основачот на „Мајкрософт“ смета дека компаниите ќе го подигнат прагот за деловно патување по здравствената криза и дека приватните состаноци ќе се одржуваат само ако навистина се итни.

Минатиот месец Мајкрософт објави дека ќе откаже половина од своите деловни летови по пандемијата, како и дека малку е веројатно, вработените во таа компанија да доаѓаат на работа, туку дека тие почесто ќе работат од дома, пренесува SeeBiz.

Воведување на сличен хибриден модел веќе објавија и други технолошки компании како Твитер и Фејсбук.