Темното чоколадо ги зајакнува концентрацијата и вниманието

Ново истражување покажа дека црното чоколадо има позитивен ефект врз работата на мозокот.

Според истражување спроведено од научници од Универзитетот во Северна Каролина, вниманието и концентрацијата може да се зголемат доколку во текот на денот се внесе мала количина на чоколадо со висок процент на какао.

Студијата е спроведена на 122 лица на возраст од 18 до 25 години. Активноста на нивниот мозок била следена по конзумирање на различни видови чоколадо, што покажа дека црното чоколадо има најдобар ефект врз мозочната активност.

Напладне е времето кога повеќето луѓе почнуваат да се чувствуваат уморни и нивната концентрација паѓа, особено кај студентите и вработените.

Темното чоколадо, кое содржи околу 60 проценти какао во себе, успешно ја зајакнува концентрацијата, па затоа напладне е најдобро време да се консумира.

Освен што е исклучително добро за концентрација, темното чоколадо е богато со антиоксиданси и супстанции кои помагаат да се намали ризикот од срцев удар.

Покрај тоа, научниците открија дека една коцка темно чоколадо е доволна за да се намали ризикот од дијабетес.