Во Индија се произведени 40 милиони дози вакцина Астра Зенека

Индискиот институт Серум, најголемиот светски производител на вакцини, објави дека произвеле 40 милиони дози на потенцијална вакцина против Ковид-19 од Астра Зенека.

Тие најавија дека наскоро ќе започнат со производство и на потенцијалната вакцина на Новавакс.

Двете вакцини сè уште чекаат официјално одобрување.

Индискиот производител соопшти дека за последната фаза од испитувањето на вакцината на Астра Зенека, регистрирале 1.600 учесници, а исто така планираат да побараат дозвола за последната фаза од испитувањето за вакцината на Новавакс.

Вакцината на Астра Зенека, развиена во соработка со Универзитетот Оксфорд, е најнапредна кога станува збор за тестирање на луѓе во Индија.

Во Индија се развиваат и два кандидати за вакцини од домашно производство.

Бројот на заразени лица во Индија достигна 8,6 милиони, а досега починаа повеќе од 128.000 пациенти.