Фаучи: Ви ветувам, јас и моето семејство ќе ја примиме вакцината

Американскиот епидемиолог Ентони Фаучи изјави дека ќе ја прими вакцината на Pfizer против коронавирусот доколку биде одобрена од Агенцијата за храна и лекови.

Тој исто така рече дека има доверба во таа компанија како и во Агенцијата.

“Јас верувам во Pfizer. Имам доверба во ФДА. Тие се мои колеги со децении, научници со кариера. Ако вакцината биде одобрена, ви ветувам дека јас и моето семејство ќе ја примиме”, изјави Фаучи за телевизијата МСНБЦ, пренесува Ројтерс.

Фармацевтските компании Pfizer од САД и германски Бионтех, објавија дека нивната експериментална вакцина има ефикасност од над 90 проценти во спречување на Ковид-19, врз основа на првичните податоци од големата студија, што претставува голема победа во борбата против пандемијата.