Најтежок ден од почетокот на пандемијата

Во последните 24 часа, потврдени се 581.000 нови случаи на коронавирус во светот, што е највисок дневен биланс од почетокот на пандемијата.

Според СЗО, вкупниот број на заразени на глобално ниво се искачи на 48,53 милиони.
Бројот на смртни случаи во изминатиот ден се зголеми за 8.000, на 1,23 милиони, пренесува ТАСС.

Од вкупниот број на новоинфицирани, половина се евидентирани во Европа, 308.876.
Следат Јужна и Северна Америка со 167.031 и Југоисточна Азија со 61.831 нови случаи.
По земји, најмногу новоинфицирани од почетокот на пандемијата се регистрирани во САД, 9,38 милиони.

Следува Индија со 8,4 и Бразил со 5,5 милиони случаи на коронавирус.