Колку сексуални партнери се премногу, а колку премалку?

Кога станува збор за броевите, особено оние поврзани со сексот, секој ќе има различно мислење и што да каже кога ќе ја допреме незгодната тема за бројот на сексуални партнери. Што е многу, што е малку и колку би бил просекот – сето тоа е индивидуално. Но, секогаш има статистика на која можеме да се потпреме, барем за да ни даде увид во тоа како жените размислуваат на оваа тема, а како мажите.

Во студијата, во која учествувале 2.000 припадници на двата пола, единствената тема била бројот на сексуални партнери.

 

Наспроти широко распространетите предрасуди дека мажите се многу сексуално поактивни од жените, се покажа дека, во просек, жените имале повеќе партнери (7) во споредба со посилниот пол (6,4), пишува Metro.co.uk.

На прашањето кој е идеалниот број на сексуални партнери, и двата пола одговориле слично – жените рекле 7,5, а мажите 7,6.

Многу поинтересен одговор е оној на прашањето колку партнери се премалку, односно се сметаат за сексуално конзервативни.

 

За дамите тоа е 1,9 додека посилниот пол мисли дека се 2,3 партнери.

И тогаш се појави најинтересното прашање колку е „премногу“ и што се смета за „промискуитетно“.

И тука веќе постои сериозна разлика во одговорите – за мажите е 14, а жените се очигледно потолерантни и нивната бројка е 15,2.

 

Не е залудно речено дека една од најголемите грешки што можете да ја направите е да го прашате вашиот партнер со колку луѓе спиел.

 

Имено, 9 проценти од испитаниците рекле дека веднаш ќе ја прекинат врската доколку слушнат дека нивниот партнер имал секс со „премногу луѓе“, а 21 процент рекле дека скоро сигурно ќе раскинат во тој случај.

 

Што мислите вие, колку сексуални партнери се премногу, а колку премногу?