Последната желба на Шон Конери се оствари
Шон Конери почина на 90-годишна возраст, а според неговата сопруга, неговата последна желба се остварила.
Мишелин Рокибурн, сопругата на славниот актер, се прости од него, објавувајќи заедничка фотографија на која тие се држат за раце. Сликата е направена на нивната 45-годишнина од бракот и е една од последните. Во изјава за медиумите, таа откри дека деменцијата во последните месеци го направила своето и дека единствена желба на актерот, била тој да почине мирно.
– Умре во сон. Цело време бев со него, и тој замина достоинствено. Сè беше како што
сакаше – изјави 91-годишната сопруга на славниот актер и додаде:
– Деменцијата со која се бореше си го направи своето. Неговата последна желба да почине мирно се исполни – заклучи таа.
