Ливерпул најде замена за Ван Дајк од 100.000.000 €

Англискиот шампион Ливерпул во јануари ќе тргне по големо засилување во одбраната.

Менаџерот Јирген Клоп остана без ’рбетот’ на тимот, се повреди Вирџил ван Дајк и веројатно нема да може да игра до крајот на сезоната, и тој мора да најде замена.
Италијанските медиуми пренесуваат дека Клоп го означил стоперот на Наполи, Калиду Кулибали, како адекватно решение.

Факт е дека Кулибали е еден од најдобрите дефанзивци во светот, но и дека неговата цена е астрономска.

Наполи веќе ги одби понудите на Манчестер Јунајтед, Манчестер Сити и Челси за 29-годишниот Сенегалец, кои достигнаа и до 70 милиони евра.

Клубот од југот на Италија бара околу 100 милиони.