Роналдињо позитивен на коронавирус
Некогаш најдобриот фудбалер на светот, Роналдињо е позитивен на Ковид-19.
Поранешниот ас на Барселона и Милан преку социјалните мрежи објави дека е позитивен на коронавирусот. Откри дека треба да оди во самоизолација две недели, но и дека нема симптоми.
Роналдињо планираше да присуствува на фудбалски настан во Бело Хоризонте, Бразил, но сега нема да може да го стори тоа.
Зад фудбалскиот мајстор е тешка година бидејќи тој помина неколку месеци во затвор во Асунсион, Парагвај, поради нелегално влегување во таа земја. При влегувањето, тој имал фалсификуван пасош, исто како и неговиот брат, а подоцна беа ослободени со кауција за да се бранат од слобода.
